Alphonso Davies, mbrojtësi kanadez 24-vjeçar që i mbaron kontrata aktuale me Bayern Munich në fund të këtij sezoni, ka shumë mundësi të hapura, sipas deklaratës së agjentit të tij, Nedal Huoseh, i cili mohoi kategorikisht se është arritur një marrëveshje për ta transferuar në Real Madrid. “A është mbyllur marrëveshja me Real Madrid? Kjo nuk është e vërtetë, është gënjeshtër”, tha ai me vendosmëri, ashtu siç raporton Fabrizio Romano. Në përputhje me informacionin e publikuar nga Mundo Deportivo, përfaqësuesi i Davies theksoi se lojtari ka “shumë mundësi”.
Siç raportoi MD, FC Barcelona ka shënuar emrin e Davies në agjendën e tij për sezonin e ardhshëm, me bindjen se, në fakt, zgjedhja e lojtarit ende është e hapur, transmeton Gazeta Metro.
“Edhe pse lojtari ka shumë mundësi, nuk kemi arritur ende një marrëveshje me asnjë klub. Çdo informacion që sugjeron të kundërtën është i pasaktë”, theksoi agjenti i atij që konsiderohet një nga mbrojtësit ofensivë më të kërkuar në botë.
Në grupin e mundësive, sipas Huoseh, është edhe mundësia e rinovimit të kontratës me Bayern Munich. “Një kontratë e re me Bayern mund të jetë gjithashtu një mundësi,” tha ai.
Në Madrid, transferimi i tij te klubi bardh e zi merrej si i sigurt. Deri më tani, nuk ekziston asnjë marrëveshje, as ajo verbale, mes Real Madrid dhe mbrojtësit kanadez. Po ashtu, u theksua se Barcelona po e ndjek nga afër lojtarin.
Ndërkohë, duke mbështetur këtë version të fortë të lansuar nga agjenti i Davies dhe informacionin e dhënë nga MD, Bild, media më e lexuar në Gjermani, konfirmoi se FC Barcelona është një ndër klubet që ka shënuar mundësinë për të nënshkruar me qendërmbrojtësin e Bayer Leverkusen, Jonathan Tah, si dhe me Alphonso Davies. Gazetari gjerman Christian Falk theksoi se Hansi Flick, trajneri i Barcelonës, dëshiron ta transferojë Davies falas në Barça, pavarësisht interesit të Bayern për ta rinovuar dhe dëshirës së Real Madrid dhe Manchester United për ta bërë të mundur transferimin e tij.
