Zv.kryeministri i Kosovës Glauk Konjufca, ndodhet në Hagë ku për pak minuta nis edhe seanca ndaj ish-krerëve të UÇK-së. Gjatë një prononcimi për mediat, ai u shpreh se lufta kishte qëllim mbrojtës dhe stopim të gjenocidit.
Sipas tij, qëllimi i saj ishte liria e popullit mbrojtja e jetës së tyre. Ai e konsideroi ditën e sotme si një ditë finale në këtë proces gjyqësor.
“Sot është dita finale në këtë proces gjyqësor. Sot është i pritshëm një vendim, një aktgjykim lirues për katërshen drejtuese të shtabit të UÇK-së. Lufta jonë ishte një luftë e domosdoshme mbrojtëse, kishte vetëm një qëllim, qëllimin e lirisë së popullit tonë dhe stopimin e gjenocidit të forcave paramilitare serbe”, tha Konjufca.
