Një magazinë me ushqim për bagëtitë u përfshi nga flakët mëngjesin e sotëm në fshatin Kodër Bujaras, në Elbasan. Zjarri rrezikoi dy banesa, një stan me bagëti dhe pyllin pranë zonës.
Në terren ndërhynë zjarrfikësit e Elbasanit dhe Cërrikut. Flakët u izoluan dhe u shuan përpara se të përhapeshin më tej. Ndërhyrja shmangu dëme më të mëdha në banesa, bagëti dhe sipërfaqen pyjore përreth.
