Në 24 orët e fundit në vend janë raportuar 45 vatra zjarri, prej të cilave 12 vijojnë të jenë aktive, ndërsa një tjetër është në monitorim.
Situata paraqitet shqetësuese për shkak të përhapjes së flakëve në disa zona dhe dëmeve të shkaktuara në sipërfaqe pyjore e bujqësore.
Aktualisht, në terren po vijojnë operacionet për shuarjen dhe izolimin e vatrave, ku janë angazhuar 167 efektivë, tre helikopterë dhe dy avionë “Air Tractor”.
Operacionet janë përqendruar në Dajt, Priskë të Madhe, Patos–Mallakastër, Krujë, Përmet, Gurë-Lurë, Devoll, Mirditë dhe Vau të Dejës.
Forcat në terren po ndërhyjnë në mënyrë të kombinuar nga toka dhe ajri, me synim frenimin e përhapjes së zjarreve.
“Zjarri ka qenë politik”, Koçeku ngre dyshime për flakët pranë guroreve në Krujë
Sipas raportimeve të deritanishme, rreth 418 hektarë sipërfaqe janë përfshirë nga zjarret, ndërsa janë dëmtuar edhe rreth 250 rrënjë ullinj.
Situata mbetet alarmante, veçanërisht për mjedisin dhe komunitetet që ndodhen pranë zonave të prekura.
