Një vatër e re zjarri është aktivizuar në zonën e Mallakastrës, ndërsa flakët po përhapen me shpejtësi në drejtim të fshatit Drenije, pjesë e Bashkisë Patos.
Shërbimet zjarrfikëse janë nisur drejt zonës problematike për të ndërhyrë dhe për të vënë nën kontroll përhapjen e flakëve. Deri në këto momente nuk raportohet rrezik për banesat apo për banorët e zonës.
Situata po vështirësohet nga era e fortë që po fryn në grykat dhe kodrat e zonës së Mallakastrës, duke favorizuar përhapjen e zjarrit.
