Tetë anëtarë të një familjeje janë shpëtuar pasi mbetën të bllokuar në rrjedhën e Drinit të Zi, pranë “Urës së Gjoricës”. Sipas policisë, njëri prej tyre kërkoi ndihmë pasi niveli i ujit u rrit papritur dhe familja nuk mund të dilte nga zona.
Në vendngjarje mbërritën efektivët e Komisariatit të Bulqizës, Emergjencat Civile dhe zjarrfikësit. Tetë personat u nxorën nga uji me gomone. Policia njofton se të gjithë janë jashtë rrezikut për jetën dhe në gjendje të mirë shëndetësore.
