Pas pushimit të dhënë për shkak të tensioneve në sallë, situata në Kuvend ka vijuar sërish e tensionuar, ku këtë herë deputetët e Partisë Demokratike kanë bllokuar foltoren, duke penguar zhvillimin normal të seancës. Për shkak të përplasjes, kryetari i Kuvendit, Niko Peleshi, ka ndërprerë sërish punimet dhe ka dhënë 15 minuta pushim për qetësimin e situatës.
“Nuk e prishni seancën, të vijojmë procedurën. Nuk e shpërndani ju fjalën. Në zbatim të rregullores së pari duhet të uleni dhe foltorja nuk bllokohet. Nuk merret fjala me dhunë. Ju dhashë 5 minuta pushim për qetësim, për meditim. Mos më tregoni mua me gisht”, u shpreh Peleshi në sallë
