Është hera e katërt në 15 vite që Diego Pablo Simeone arrin në gjysmëfinalet e Champions League me Atlético Madrid, një objektiv i arritur pavarësisht humbjes ndaj Barcelonës: mjaftoi 2-0 i ndeshjes së parë për të siguruar kalimin në turin tjetër dhe për të ushqyer ëndrrat e lavdisë që bëhen gjithnjë e më konkrete. Madrilenët përjetuan një ndeshje shumë të vështirë, pasi panë avantazhin të reduktohej menjëherë, por në fund arritën të ruajnë rezultatin për gëzimin e trajnerit, i cili u emocionua para tifozëve të tij.
Diego Simeone was emotional after Atletico booked their place in the Champions League semi-finals 🥹
Atletico reach the final four for just the fourth time in Simeone's 15 years managing the club.
↳ UEFA Champions League. Live & Exclusive on Stan Sport.#StanSportAU #UCL pic.twitter.com/S3rsfR8OoF
— Stan Sport Football (@StanSportFC) April 14, 2026
Simeone nuk arrin ta besojë
Nuk ishte ndeshja e mbyllur që kishte imagjinuar dhe për një moment Barcelona vuri gjithçka në diskutim duke shfrytëzuar nisjen jo të mirë të vendasve dhe talentin e madh të Lamine Yamal. Më pas goli i Lookman riktheu qetësinë për Atleticon, që vuajti deri në sekondën e fundit por arriti të marrë rezultatin: edhe me humbje kalon në gjysmëfinale kundër njërës mes Arsenal dhe Sporting, një rrugëtim që nuk e bën të pamundur ëndrrën e finales.
Më i emocionuari nga të gjithë është pikërisht Simeone, që ka arritur gjysmëfinalen e katërt në 15 vitet në atë pankinë. Në fund të ndeshjes kamerat e kapën teksa i habitur shikonte përreth: bënte gjeste drejt tifozëve të lumtur, më pas filloi të nxirrte frymën për të larguar emocionin dhe në fund përqafoi anëtarët e stafit që e uruan për këtë rezultat të madh. Ëndrra e ndaluar është të fitojë trofeun pas dy finaleve të humbura ndaj Real Madrid në 2014 dhe 2016, plagë që ende nuk janë shëruar.
