Skuadra spanjolle RCD Mallorca rikthyeu vëmendjen te sulmuesi i saj kryesor, Vedat Muriqi, duke publikuar një tjetër material emocionues për rrugëtimin e tij në Kosovë, transmeton Gazeta Metro.
Pas udhëtimit në Bratislavë për të ndjekur gjysmëfinalen kundër Slovakia, gazetari i klubit spanjoll ishte i pranishëm edhe në Prishtinë për finalen e play-offit ndaj Turkey.
“Nga Mallorca në Prishtinë për ta shoqëruar Vedat Muriqin në ditën e veçantë”, shkruan klubi në postimin e mërkurës.
Në videon rreth tre minuta, Mallorca ka përfshirë pamje nga kryeqyteti i Kosovës, atmosfera në stadiumin Fadil Vokrri Stadium, si dhe momente të veçanta nga karriera e Muriqit me Kombëtaren e Kosovës.
Materiali gjithashtu tregon aksione nga ndeshja finale e play-offit, ku Kosova u mposht 1-0 nga Turqia. Muriqi mbajti rolin e kapitenit për dy ndeshjet e fundit, duke marrë përgjegjësinë në mungesë të Amir Rrahmani, i cili ishte i lënduar./gazetametro.net
