Ansambli Kombëtar i Këngëve dhe Valleve Popullore solli për dy netë rresht, një koncert të jashtëzakonshëm me perlat e trashëgimisë sonë kombëtare të shpallura në UNESCO si pasuri e njerëzimit.
Në skenë u ngjitën thesaret më të çmuara të trashëgimisë sonë shpirtërore, në një shfaqje të titulluar “Mrekullitë e Arbërisë”.
Publiku i cili kishte mbushur plot sallën e TKOBAP, shijoi edhe pjesë të tjera që janë në rrugën e tyre drejt këtij vlerësimi të rëndësishëm ndërkombëtar.
Nën tingujt e lahutës, me hijeshinë e xhubletës dhe fuqinë e polifonisë shqiptare, publiku përjetoi emocione të rralla dhe një udhëtim autentik në zemër të identitetit tonë kulturor.
Publiku mirëpriti me dashuri dhe entuziazëm artistët e jashtëzakonshëm në dy net të magjisë së traditës shqiptare.
