Nuk ka paqe për Olympique Marseille, që pëson humbjen më të thellë ndonjëherë në historinë e Classique. PSG shëtit mbi rrënojat e rivalëve dhe fiton me një 5-0 të pamëshirshëm, pa u lënë asnjë shans kundërshtarëve të përjetshëm. Dominon “Topi i Artë” Dembélé, me dopietë dhe dy asistime; në gol edhe Kvaratskhelia dhe Lee Kang-in. Parizienët rikthehen kështu në krye me 51 pikë, +2 ndaj Lens: De Zerbi zbret në -13 dhe stoli i tij tani mund të rikthehet sërish i nxehtë.
Nuk ka paqe për italianin Roberto De Zerbi, i cili pas eliminimit në Champions, pëson humbjen më të thellë ndonjëherë për Olympique Marseille në Classique. PSG shëtit mbi rivalët në pjesën e dytë dhe e mbyll me një 5-0 poshtërues, duke rimarrë kreun e Ligue 1. Të gjithë sytë janë te supersfida që mbyll javën e 22-të dhe skuadrat e ndjejnë tensionin në minutat e para. Ndeshja zhbllokohet në minutën e 12’, praktikisht në rastin e parë real. Ousmane Dembélé thyen ekuilibrin, duke shfrytëzuar asistin e Nuno Mendes për 1-0 në të 12’. Gouiri i afrohet barazimit duke vënë në provë reflekset e Safonov, Doué godet shtyllën dhe ndeshja merr një kthesë tjetër vetëm në minutën e 37’. Sërish Dembélé e drejton përfundimisht sfidën drejt ngjyrave të PSG. Në të 37’, “Topi i Artë” përfiton nga gabimi i Balerdi dhe realizon golin e dytë parizien.
Në pjesën e dytë, praktikisht, Marseille nuk rikthehet mendërisht në fushë dhe pëson një përmbytje të vërtetë. Doué godet menjëherë shtyllën, por episodi që jep kthesën është një autogol: Medina shënon në portën e tij për 3-0 në minutën e 64’. Dy minuta më pas, Kvaratskhelia, me asistin e Dembélé, mbyll llogaritë duke realizuar golin e katërt me një goditje fluturimthi. Në fund vjen edhe debutimi i afrimit të ri Dro Fernandez dhe “manita”, e firmosur nga Lee Kang-in (74’).
Nuk ka një reagim të vërtetë të OM, që dorëzohet përballë një kundërshtari të papërballueshëm dhe në një mbrëmje të artë. PSG shëtit kundër rivalëve të përjetshëm, duke fituar për herë të parë me pesë gola diferencë, dhe rimerr kreun. Luis Enrique kryeson renditjen me 51 pikë, pas një goleade që mund të kishte marrë përmasa edhe më të mëdha (shtyllë për Kvara dhe Mendes në fund). Marseille mbetet i katërti me 39 pikë, zbret në -13 dhe parakalohet nga Lyoni (42).
