Air Force One që mbante Presidentin e SHBA-së, Donald Trump, u ul në mënyrë të sigurt në Bazën Ajrore të Përbashkët Andrews pranë Uashingtonit, pasi një problem i vogël elektrik ndodhi gjatë fluturimit ndërsa avioni ishte mbi Atlantikun e Veriut.
Sipas mediave të huaja, problemi teknik u konsiderua jo serioz, por u mor vendimi për ta kthyer avionin presidencial në bazën e tij si masë paraprake. Presidenti i SHBA-së pritet të vazhdojë udhëtimin e tij me një avion tjetër presidencial, me shumë mundësi një C-32A nga Krahu i 89-të i Transportit Ajror.
Me këtë avion, Donald Trump do të udhëtojë për në Takimin Vjetor të Forumit Ekonomik Botëror, që zhvillohet në Davos të Zvicrës, ku është planifikuar të marrë pjesë në një sërë kontaktesh dhe ndërhyrjesh në kuadër të punimeve të Forumit.
