Presidenti amerikan Donald Trump dha një paralajmërim të fortë kur u pyet nga një gazetar se sa larg do të shkonte për të marrë Groenlandën, duke u përgjigjur: “Do ta shihni.”
Thank you for reading this post, don't forget to subscribe!Deklarata vjen teksa Trump ka planifikuar të largohet nga Uashingtoni për në Davos të Zvicrës, ku do të zhvillojë bisedime me udhëheqësit evropianë mbi idenë e tij për të shtënë në dorë Groenlandën.
Më herët kryeministri i Groenlandës, Jens-Frederik Nielsen, tha në një konferencë për shtyp se popullsia dhe autoritetet e ishullit Arktik duhet të përgatiten për një pushtim të mundshëm ushtarak pas presionit nga Trump, duke u shprehur: “Nuk ka gjasa të ketë një konflikt ushtarak, por nuk mund të përjashtohet.”
Më herët gjatë javës, Presidenti Donald Trump publikoi mesazhe private nga udhëheqës botërorë duke u tallur me aleatët pasi shpërndau mesazhet e marra nga Presidenti francez Emmanuel Macron dhe Sekretari i Përgjithshëm i NATO-s Mark Rutte.
Trump zbuloi se i kishte publikuar mesazhet sepse ato “kishin shprehur pikëpamjen e tij”.
“Ata thonë, “O Zot, le të hamë darkë, le të bëjmë këtë, le të bëjmë atë”. Thjesht shpreha pikëpamjen time”, – vazhdoi ai.
“Kemi shumë takime të planifikuara për Groenlandën dhe mendoj se gjërat do të shkojnë mjaft mirë” – tha ai i pyetur për axhendën e tij në Forumin Ekonomik Botëror të Davosit.
Presidenti u pyet nëse do të përdorte forcën ushtarake për të marrë Groenlandën nëse nuk mund të arrihej një marrëveshje për territorin danez. Trump dha një përgjigje të thjeshtë: “Pa koment”.
