“Inteligjenca konfirmoi se anija po transportonte drogë dhe po udhëtonte përgjatë një rruge të njohur kontrabande në Paqësorin lindor”, tha Komanda e Përbashkët e SHBA-së përgjegjëse për Amerikën e Jugut (SOUTHCOM) nëpërmjet Twitter-it, duke postuar një videoklip të deklasifikuar 21-sekondësh të sulmit ajror.
Sulmi i fundit vjen ndërsa Pentagoni dhe Shtëpia e Bardhë përpiqen të përgjigjen pyetjeve në lidhje me bazën ligjore të fushatës për të vrarë trafikantë të dyshuar droge në bastisje ushtarake, me ligjvënësit amerikanë që zotohen të hetojnë sulmin e parë të tillë, në shtator, në të cilin dy të mbijetuar të bllokuar nga rrënojat u vranë në një sulm të mëvonshëm.
Sekretari i Mbrojtjes i SHBA-së, Pete Heggeth, është përballur me kritika gjithnjë e më të mëdha për sulmin e 2 shtatorit, pasi një raport i Washington Post tha se ai i kishte urdhëruar ushtrisë “t’i vriste të gjithë”. Admirali amerikan që udhëhoqi sulmin u tha ligjvënësve të enjten se nuk kishte një urdhër të tillë. Megjithatë, demokrati Jim Himes e përshkroi videon e sulmit të shtatorit si “një nga gjërat më shqetësuese që kam parë në karrierën time në shërbimin publik”.
Që nga sulmi i parë i shtatorit, SHBA-të kanë kryer 21 sulme të ngjashme, duke rezultuar në më shumë se 80 vdekje.
