Benfica me teknikun José Mourinho do të zbresë në fushë sonte për javën e dytë të fazës së kampionatit të Champions. Një ndeshje e veçantë për Special One, i cili në “Stamford Bridge” do të përballet me atë Chelsea që tekniku portugez e ka drejtuar nga viti 2004 deri në vitin 2007, duke fituar dy Premier League (2005 dhe 2006), dy Kupa Lige (2005 dhe 2007), një FA Cup (2006-2007) dhe një Superkupë angleze (2005). Emocion i madh në sallën e konferencave në hyrjen e tij, kur fotot tregonin imazhe të ndryshme të Mou me në dorë trofetë e shumtë të fituar me Blues.
Por emocionin e vërtetë Mourinho e përjetoi në përfundim të konferencës për shtyp, kur pa përpara tij Theresa Connelly, punonjësen historike të Blues me një përvojë pune prej 48 vitesh në klubin londinez. Bëhet fjalë për përgjegjësen historike të komunikimit dhe zëdhënësen e Chelseat. Mourinho, pasi doli nga konferenca, e gjeti përballë dhe nuk i mbajti dot emocionet.
Çfarë ndodhi?
Trajneri u prek, iu rikthyen në mendje vitet e kaluara te skuadra londineze ku Theresa Connelly është një figurë e rëndësishme, pikë reference për shoqërinë, trajnerët, lojtarët dhe gazetarët. Mourinho ndalet dhe e përqafon fort, pastaj i ledhaton kokën. Connelly i pëshpërit diçka portugezit, i cili mezi përmban lotët, por është dukshëm i prekur nga ai takim që risjell pashmangshmërisht shumë kujtime të bukura të lidhura me qëndrimin e tij te Chelsea. Të dy më pas caktojnë takim në ndeshje dhe pas ndeshjes, pasi Mourinho tashmë që në prag të sfidës kishte dashur të përshëndeste çdo pjesëtar të Chelsea.
MUITO CARINHO NO REENCONTRO EM STAMFORD BRIDGE! José Mourinho conversou com uma funcionária que trabalha no Chelsea há 48 anos após a coletiva de imprensa no estádio. Que momento!
Assista a Chelsea x Benfica, amanhã, 30/09, a partir de 15h45, AO VIVO na @tntbr e na… pic.twitter.com/oU7e4lLv9N
— TNT Sports BR (@TNTSportsBR) September 29, 2025
Mourinho në pak ditë sfidon të kaluarën e tij: Chelsea e Porto
Përvoja e Jose Mourinho te Benfica ka nisur me një barazim kundër Rio Ave në fushë, më pas me një fitore 2-1 kundër Gil Vicente, përpara sfidës së sonte ndaj Chelsea. Një rikthim në të shkuarën për Special One, i cili pas ndeshjes në “Stamford Bridge” në kampionat do të përballet me Porton, me të cilën ka shkruar faqe historie, sidomos me fitoren e dy kampionateve në dy sezone e gjysmë, një Taça de Portugal (2003) dhe një Superkupë kombëtare (2003), por mbi të gjitha një Kupë UEFA (2003) dhe një UEFA Champions League (2004).
