Milano ka thënë po për shitjen e stadiumit San Siro te Milan dhe Inter, oferta e të cilëve prej 197 milionë eurosh do të skadonte pikërisht sot. Në orët e vona të natës, Këshilli Bashkiak ka miratuar vendimin për dhënien e stadiumit: votat pro të shumicës ishin 24, të mjaftueshme për të kaluar dokumentin falë vendimit të Forza Italia për t’u larguar nga salla, gjë që uli kuorumin; votat kundër ishin në fakt 20, asnjë këshilltar nuk u abstenua.
Koha për të pritur ceremoninë e hapjes së Lojërave Olimpike Dimërore të Milano-Cortina që impianti historik, njëqind vjet pas inaugurimit të tij, do të shembet për t’i lënë vendin një tjetri, më modern dhe funksional, në kohë për Kampionatin Europian të futbollit 2032.
“Ka një kënaqësi lidhur me perspektivën për të qenë në gjendje të transformojmë zonën San Siro, mbi të cilën kishte një shqetësim për një të ardhme të pasigurt dhe për këtë arsye u përpoqëm të shkruanim një faqe të re dhe sapo kemi filluar. Kemi vënë bazat. Në sallë kryetari i bashkisë më tha se ishte i kënaqur”, tha nënkryetarja e bashkisë së Milanos Anna Scavuzzo në fund të votimit në Këshill për vendimin që miratoi shitjen e stadiumit San Siro te Inter dhe Milan. “Tani nis një praktikë administrative aspak e thjeshtë dhe u takon skuadrave të bëjnë një pjesë që deri më tani kanë bërë shumë pak”.
Kryebashkiaku Giuseppe Sala nuk ka dashur në vend të ngrohtë të komentojë miratimin e vendimit mbi dhënien e impiantit dy klubeve për 197 milionë euro. “Në ‘sallese’ (shprehje e përdorur për të treguar gjuhën e Sallës, red.) kryetari i bashkisë më tha ‘jam i kënaqur’”, ka deklaruar Scavuzzo.
