Brazilianja Alice Pereira pritet të bëhet gruaja më e re në histori që do të luftojë në UFC.
Pereira do të jetë 19 vjeç, tetë muajsh dhe 24 ditësh kur do të përballet me meksikanen e peshave të lehta Montserrat Rendon në UFC Noche në San Antonio të Teksasit, të shtunën.
Ajo thyen rekordin e mëparshëm të vendosur nga koreano-jugorja Chan Mi Jeon, e cila ishte 19 vjeç, nëntë muajsh dhe 13 ditësh kur debutoi në vitin 2017.
“Ky ishte qëllimi. E kisha atë ambicie që nga fillimi, ëndrrën për të qenë vajza më e vogël”, tha Pereira për MMA Fighting.
“Që nga momenti që e kuptova se UFC nuk ishte një ëndërr aq e largët, fillova të bëhesha ambicioze. Vendosa qëllime dhe një nga qëllimet ishte të isha vajza më e re në UFC”.
“Ndihesha shumë mirë që e kisha arritur këtë, që parashikimi im u bë i vërtetë.”
Pereira, e cila ka fituar gjashtë ndeshjet e para të karrierës së saj dhe njihet me nofkën “Vajza e Artë”, nënshkroi një kontratë me UFC-në në dhjetor.
Në Rendon, Pereira do të përballet me dikë 17 vjet më të madhe se ajo, e cila ka një fitore dhe një humbje që nga debutimi i saj në UFC në vitin 2023. /Kla
