Sipas rezultateve paraprake të publikuara nga Agjencia Anadolu e udhëhequr nga shteti, janë numëruar 71 për qind e totalit të votave dhe presidenti Rexhep Tajip Erdogan kryeson garën presidenciale me 51,1 për qind.
Rivali i tij kryesor, Kemal Kiliçdaroglu merr 43.1 përqind dhe një tjetër kandidat i opozitës Sinan Ogan merr 5.3 përqind të votave totale.
Aleanca Popullore e Erdoganit merr 52.8 për qind të votave të përgjithshme ndërsa Aleanca e Kombit e Kilicdaroglu merr 32.9 për qind.
Aleanca e tretë e madhe, Aleanca Socialiste e Punës dhe Lirisë merr 8.9 përqind të votave totale.
Por partitë opozitare turke njoftuan se agjensia shtetërore e lajmeve Anadolu Agency po manipulon rezultatet e zgjedhjeve. Sipas Agjencisë së Lajmeve ANKA, Erdogan kryeson në sondazhe, por me 48.22 për qind ndërsa Kiliçdaroglu merr 46.21 për qind.
Partitë opozitare turke pretenduan se Anadolu Agency po manipulon rezultatet e zgjedhjeve dhe shtuan se Kiliçdaroglu kryeson garën.
Ekrem Imamoglu, kandidat për nënpresident nga Partia Popullore Republikane kryesore opozitare, CHP akuzoi Anadolu Agency për manipulim me rezultatet e zgjedhjeve.
“Kemal Kilicdaroglu do të zgjidhet president sonte. Ne nuk i njohim rezultatet e Anadolu Agency”, tha Imamoglu.
Agjencia Anadolu e udhëhequr nga shteti po raporton rezultatet e para gjysmë zyrtare në vend, bazuar në rezultatet paraprake të mbledhura nga gazetarët e saj në qendrat e votimit në të gjithë vendin.
Deri më tani, sipas Anadolu Agency, janë numëruar më shumë se 38 për qind e totalit të votave dhe presidenti Rexhep Tajip Erdogan kryeson garën presidenciale me 52.8 për qind ndërsa rivali i tij kryesor Kilicdaroglu ka marrë 41.2 për qind të votave totale.
Që kur Anadolu Agency shpalli rezultatet, presidenti Erdogan humbet vazhdimisht vota.
