Cristiano Ronaldo shtyn një tifoz që donte një selfie: ylli i madh i Portugalisë humbi kontrollin dhe largoi fansin që kishte shmangur sigurinë e hotelit në Armeni. Pesë herë fituesi i Topit të Artë është i angazhuar me kombëtaren e tij në tokën armene për kualifikimet e Kupës së Botës 2026 dhe para ndeshjes që luhet në “Vazgen Sargsyan Republican Stadium” të Jerevanit ndodhi ky episod i pakëndshëm që menjëherë u bë viral.
Tifozi ia doli të kalonte kontrollet e sigurisë së hotelit dhe iu afrua Cristiano Ronaldos për të bërë një selfie me idhullin e tij, por futbollisti i Al-Nassr nuk ishte aspak i lumtur për atë që po ndodhte dhe e largoi atë me një shtytje.
Menjëherë pas kësaj ndërhynë punonjësit e sigurisë për të shmangur që situata të përkeqësohej dhe më pas CR7 u asistua nga një anëtar i delegacionit të kombëtares luzitane. Tifozi më pas u shoqërua jashtë nga siguria së bashku me një tjetër mbështetës, i cili kishte provuar të bënte të njëjtën gjë pak çaste më pas.
Bëhet fjalë për një episod mjaft të çuditshëm sepse Cristiano Ronaldo gjithmonë ka pasur një marrëdhënie të mirë me tifozët e tij, madje edhe me ata që bënin pushtim fushe për të bërë një foto me të.
Otro angulo de Cristiano Ronaldo agrediendo a un fanático ❌️
El peor ejemplo posible… pic.twitter.com/ntmnoX3Fnc
— Sebas Crackbol (@Crackbol10) September 6, 2025
