Shitja e biletave me sistemin online ka krijuar gjithnjë pakënaqësi te tifozët, që kanë aluduar edhe për shpërndarje preferenciale të tyre. FSHF gjithnjë është mbrojtur se aplikimet kanë qenë më të mëdha se kapaciteti i stadiumit për ndeshjet e Kombëtares, por tani duket se ka bërë një hap prapa.
FSHF, në fakt, njofton se nga sot të gjithë futbolldashësit dhe tifozët e Kombëtares kanë mundësi të blejnë biletat edhe fizikisht për ndeshjen e 9 shtatorit, Shqipëri – Letoni, e vlefshme për kualifikueset e Kupës së Botës 2026.
Departamenti i Komunikimit në FSHF bën me dije se biletat mund të sigurohen pranë pikës së shitjes që ndodhet tek hyrja e tribunës kryesore të stadiumit “Air Albania”. Pika fizike do të jetë e hapur çdo ditë nga ora 10:00 deri në 18:00.
Ky vendim vjen për shkak të kërkesave të vazhdueshme të tifozëve për bileta fizike, ndërkohë, vazhdon edhe shitja online e biletave në ebileta.al në këtë link .
Biletat e Shqipëri-Letoni edhe në biletarinë pranë ️ “Air Albania”
Prenoto vendin tënd në stadium për sfidën e 9 shtatorit!
️ Biletat online mund t’i blini në .#kombetarja #shqiperiletoni #kualifikueseteboterorit #europeanqualifiers #tticket pic.twitter.com/M17thCaKSq
— FSHF (@FSHForg) August 25, 2025
