Ndeshja e parë e Franco Mastantuono me Real Madrid ka hapur një rast të vërtetë në Spanjë, i cili nuk ka të bëjë vetëm me çështje fushe. Blancos rrezikojnë të humbasin në tavolinë ndeshjen e fituar me Osasuna për shkak të hyrjes në lojë të argjentinasit, që do të kishte sjellë një shkelje të rëndë të rregullores: Miguel Galan, presidenti i CENAFE (qendra e formimit të trajnerëve në Spanjë), ka paraqitur një denoncim për sjelljen e parregullt të skuadrës së Xabi Alonso, që do të kishte shkelur rregullat duke hedhur në fushë xhevahirin e saj të ri.
Problemi qëndron në mënyrën se si është regjistruar sulmuesi, një akt i bërë me keqbesim sipas juristit, që hap mundësinë e një ankese nga kundërshtarët dhe të një disfate të mundshme në tavolinë në ndeshjen e parë të kampionatit. Por çfarë ka ndodhur dhe në ç’mënyrë Real Madrid do të kishte shkelur rregulloren?
Min. 67, se alinea a Mastantuono y se produce alineación indebida, el @osasuna tiene 24 horas desde la finalización del partido para impugnar el encuentro.
El concepto de alineación de un futbolista en un partido, se entiende por su actuación, intervención o participación activa… pic.twitter.com/1th1QftiCH
— Miguel Galan (@MiguelGalanCNFE) August 19, 2025
Pse hyrja e Mastantuono mund të sjellë humbjen në tavolinë
Për ta shkëputur nga River Plate, Real Madrid e ka paguar 60 milionë euro dhe tifozët nuk prisnin gjë tjetër veçse ta shihnin në fushë: kur në minutën e 65-të të ndeshjes së parë të kampionatit ai vuri këmbë për herë të parë në Bernabeu, shpërtheu ovacioni nga i gjithë stadiumi, por pikërisht ato pak minuta loje mund t’i kushtojnë Blancos humbjen në tavolinë. Denoncimi vjen nga Galan, i cili citon rregulloren: Mastantuono është në çdo efekt lojtar i skuadrës së parë, por është regjistruar si anëtar i Castilla, praktikisht skuadra B që luan në kategorinë e tretë.
Nuk do të kishte asgjë të keqe, meqë shoqëria është e njëjta, por sipas juristit kjo do të ishte një strategji për të kaluar pengesën e 25 vendeve: duke e federuar lojtarin me Castilla, Real nuk do të zinte një vend në skuadrën e parë dhe në këtë mënyrë do të kishte mundësinë të regjistronte më shumë lojtarë nga sa lejohet. Sipas nenit 125 të rregullores së RFEF, regjistrimi i një lojtari te filialet nuk mund të përdoret për të anashkaluar frymën e rregullave dhe për rrjedhojë Blancos do të kishin vepruar me keqbesim.
Nëse verifikohet ky truk burokratik, mund të ketë pasoja të rënda: Osasuna ka 24 orë kohë pas përfundimit të ndeshjes (të luajtur mbrëmë) për të paraqitur ankesë dhe për të denoncuar regjistrimin e parregullt të Mastantuono. Nëse shkelja do të verifikohej, Real Madrid do të rrezikonte të humbiste ndeshjen në tavolinë, përveçse të bënte një figurë shumë të keqe për shkak të shmangies së një rregulli themelor për të gjitha skuadrat.
