Lionel Messi vazhdon të bëjë bujë si në fushë ashtu edhe jashtë saj. Ylli argjentinas, aktualisht te Inter Miami, skuadra amerikane që këto ditë ka zyrtarizuar edhe blerjen e një tjetër argjentinasi si Rodrigo De Paul, ka tërhequr vëmendjen e tifozëve për një detaj të veçantë. Gjatë ndeshjes së fundit të skuadrës së tij, Messi ishte në tribunë duke ndjekur ndeshjen. Jashtë fushe për shkak të një pezullimi, pasi kishte refuzuar të merrte pjesë në All-Star Game të MLS javën e kaluar pa qenë i dëmtuar, “Pleshti” arriti të bëhej sërish lajm pikërisht për një detaj të veçantë që nuk i shpëtoi syrit të të vëmendshmëve: ora e tij.
Messi kishte në kyçin e dorës një orë me ngjyrë rozë të ndezur. Për shumëkënd kjo u duk një zgjedhje paksa ekstravagante sa i përket ngjyrës, edhe pse qëndron brenda linjës së ngjyrave të klubit të Miamit. E megjithatë, nuk bëhej fjalë për një orë çfarëdo, por për një lloj edicioni të kufizuar të krijuar nga Rolex vetëm për pak të përzgjedhur – 10 për saktësi. Janë vetëm 10 pjesë të krijuara për këtë model ore të quajtur: Rolex Daytona “Barbie”. Vlen një pasuri…
Argentine footballer #Messi is wearing an out-of-catalogue #ROLEX Daytona ‘Barbie’ in 18k yellow gold. It features an eye-catching pink dial with baguette-cut pink sapphire set bezel and hour markers. It is said to be perhaps limited to only 10 pieces.
Market Price : $800,000 pic.twitter.com/TWJyIndeSr— Luxury Shots (@LuxuryShots1) July 27, 2025
Vlera e orës Barbie
Në fakt, Messi mbante në dorë një orë me vlerë 700 mijë paund, që korrespondojnë me 810.285 euro. Pothuajse një milion euro në kyçin e dorës, që padyshim e shtoi më tej jehonën rreth tij. Prapa zgjedhjes për ta mbajtur atë orë pikërisht në atë moment, duket se qëndrojnë arsye sponsorizimi, duke qenë se Messi e dinte që kamerat do të fokusoheshin te ai si mungesë e rëndësishme në fushë. Pra, bëhej fjalë për një nga vetëm 10 ekzemplarët e prodhuar. Struktura e saj është mjaft komplekse, e karakterizuar nga një safir rozë dhe diamantë, dhe është prej ari të verdhë 18 karatësh, duke u përshtatur në mënyrë perfekte me fanellën vendase të Inter Miami.
Si është bërë ora rozë e Pleshtit dhe kush janë pronarët e tjerë
Mendohet se vetëm 10 nga këto aksesorë luksi janë prodhuar nga Rolex. Messi e aktori i Hollywood Mark Wahlberg janë të vetmit pronarë të njohur publikisht. Ky objekt i mrekullueshëm nuk është reklamuar kurrë nga Rolex dhe asnjë nga këto artikuj nuk është i disponueshëm për blerje. Thuhet se disa figura të njohura e kanë blerë orën për 310 mijë paund. Me pak fjalë, shifra që janë plotësisht të përballueshme për argjentinasin Messi, i cili sipas vlerësimeve ka arkëtuar rreth 2 miliardë dollarë gjatë karrierës së tij nga pagat, sponsorizimet dhe kontrata të tjera që nga debutimi në vitin 2004.
