Paris Saint-Germain është gati të hapë kuletën rëndë duke siguruar mbrojtësin e Bournemouth, Ilya Zabarnyi, për një shifër rreth 70 milionë euro. PSG nuk ndalet kurrë dhe, pavarësisht një skuadre tashmë yjesh, është i vendosur të vërë duart mbi talentin e ri ukrainas, Ilya Zabarnyi. Negociatat me Bournemouth janë në një fazë të avancuar, me një diferencë prej vetëm 5 milionë eurosh mes kërkesës dhe ofertës.
Zabarnyi, një hap larg PSG
Luis Enrique synon të rrisë më tej nivelin e mbrojtjes dhe ka identifikuar si objektiv Ilya Zabarnyi, mbrojtësin vetëm 22-vjeçar që vjen pas një sezoni shumë të mirë me fanellën e Bournemouth. I futur në radarin e klubit francez që përpara Kupës së Botës për Klube, negociatat me Cherries tashmë janë në fazat përfundimtare. Oferta e fundit e parizienëve, e vlerësuar në 60 milionë euro plus bonuse, është shumë pranë kërkesës së anglezëve që arrin në 70 milionë. Vetëm 5 milionë ndajnë dy klubet nga marrëveshja përfundimtare, por çdo detaj ka peshën e vet. Nasser Al-Khelaifi mund të thirret në skenë për të dhënë shtysën përfundimtare në këtë marrëveshje të ndërlikuar.
Nuk janë vetëm parisienët pas talentit ukrainas. Tottenham, i drejtuar nga Thomas Frank, duket se është i gatshëm të paguajë shifrën që kërkon Bournemouth, i cili në këtë merkato ka arkëtuar mbi 100 milionë euro nga shitja e dy mbrojtësve, Huijsen dhe Kerkez. Megjithatë, duket se dëshira e Zabarnyi është të luajë me kampionët e Evropës, dhe në këtë drejtim thuhet se ka arritur tashmë një marrëveshje për një kontratë pesëvjeçare.
