Real Madrid triumfoi në edicionin 2023 të Kupës së Mbretit. Në finale, Blancos mundën Osasunën 2-1, duke ngritur trofeun për herë të 20 në historinë e tyre. Merengues zhbllokuan rezultatin që në minutën e dytë me Rodrygo. Të besuarit e teknikut Ancelotti u arritën në minutën e 58′ me golin e Torró. E megjithatë ishte sërish Rodrygo në minutën e 70′ që dyfishoi, duke i dhënë efektivisht kupën Real Madrid. Ëndrra e Rojillos u fashit disa hapa nga finishi, pas një finaleje të madhe.
Suksesi numër 20 në histori për Real Madrid në Kupën e Mbretit! Blancos triumfuan në finale, duke mposhtur Osasunën 2-1. Mjaftuan 109 sekonda që merengues të kalonin në epërsi. Vinicius krijoi panik në të majtë, u fut në qendër e shërbeu në zonë Rodrygo. Brazilini firmosi golin e 1-0 në minutën e 2′. Osasuna nuk e la veten të rrëzohej nga goli i shpejtë i skuadrës së Carlo Ancelotti. Përkundrazi reagoi brenda pak minutash. Pjesa e parë ishte shumë argëtuese, me raste nga të dyja palët. Në minutën e 24′ tentoi edhe Benzema, i neutralizuar nga Sergio Herrera. Dyzetë e pesë minutat e para u mbyllën me avantazhin e ngushtë të Real, por me kundërshtarët krejtësisht në lojë.
REZISTENCA E SHTYPUR NGA RODRYGO
Edhe në fillimin e pjesës së dytë, skuadra e Arrasate doli në fushë pa frikë, duke kërkuar shpesh Budimir brenda zonës. Në minutën e 58′ erdhi goli i barazimit, me Lucas Torró i cili shënoi 1-1 me një goditje të fuqishme nga jashtë zonës. Pas golit të barazimit, Blancos nisën të shtyjnë përpara, me skuadrën nga Pamplona që u mbyll në gjysmëfushën e tyre. Mbrëmja e lavdisë së Rodrygo u kurorëzua në minutën e 70′, kur braziliani shënoi golin e 2-1, duke shtyrë në rrjetë topin e grushtuar pas goditjes së Kroos. Rojillos nuk u rrëzuan dhe vazhduan të luftojnë, por në fund ishte Real Madrid që triumfoi. Janë 20 Copa del Rey të ngritura nga Merengues në historinë e tyre (fitorja e fundit datonte në 2014). Ëndrra e Osasunas shuhet pak hapa larg vijës së finishit, me pamplonasit që dolën të mposhtur në një finale gjithësesi historike.
