Rojet e sigurisë në selinë e CIA-s në Virginia hapën zjarr këtë të enjte jashtë ambienteve të CIA-s.
CIA e përshkroi ngjarjen si një “incident sigurie”.
Incidenti ndodhi jashtë objektit të CIA-s në Langley dhe rezultoi në plagosjen e një personi.
Incidenti ndodhi vetëm disa orë pasi dy punonjës të ambasadës izraelite , Yaron Lisinsky dhe Sarah Milgrim, u qëlluan për vdekje jashtë Muzeut Hebraik në Uashington.
Deri më tani, nuk ka asnjë indikacion se dy incidentet janë të lidhura me njëra-tjetrën.
“Pati një incident sigurie ndaj të cilit forcat e rendit reaguan jashtë selisë së CIA-s”, tha zëdhënësi, duke shtuar se porta kryesore mbetet e mbyllur dhe punonjësve po u kërkohet të përdorin rrugë alternative.
“Informacion shtesë do të jepet kur të konsiderohet e përshtatshme,” shtoi ai.
