Kryeministri Edi Rama gjatë takimit me shqiptarët në Kretë foli për rëndësinë e integrimit të vendit tonë në BE, ndërsa tha se ky proces nuk mund të realizohet nga opozita. Rama ironizoi edhe partitë e reja për përfshirjen e familjarëve në listat e kandidatëve për deputet.
“I gjithë populli ynë dhe vendi ynë do integrohet në BE! Besoj se e keni të qartë që këtë gjë nuk mund ta bëj dikush tjetër, ata që vijnë këtu te ju dhe ju premtojnë gjithçka, ndërkohë që s’kanë gjë në dorë dhe as kanë për të pasur. Këtë gjë nuk mund ta bëjë bufi i kënetës. Bufi i kënetës thotë se unë jam i mençur dhe i bukur si Athinaja. Duke iu referuar bufit të vogël që ishte simbol i grekëve të lashtë e pastaj e morën dhe romakët, por bufi i vogël nuk kishte lidhje me kënetën.
Këto nuk mund t’i bëjnë as shitësit e qilimave. Dalin në diasporë dhe thonë, na jepni votën ne rinisë. Në listat e kandidatëve, kanë babanë, mamanë, xhaxhanë, nuk kanë aq njerëz që t’i vënë nëpër lista. Ne, sot, jam shumë krenar sepse i kemi dhënë të gjithë shqiptarëve, brenda dhe jashtë, në çdo qark, një skuadër, e cila është skuadra e partisë më të re dhe më të vjetër.”, tha Rama.
