Emri i Will Smith tani është i ruajtur përgjithmonë në rrugët e Philadelphia. Të mërkurën, më 26 mars, fituesi i Oskarit,, u shfaq në qytetin e tij të lindjes duke riemëruar një pjesë të rrugës 59th Will Smith Way për nder të tij.
“Philly, unë jam i yti. Ky është nderi i një jete,” shkroi Smith në një postim në Instagram të enjten, 27 mars, ku përfshiheshin fotot e tij duke pozuar në ceremoni me kryebashkiaken e Philadelphia, Cherelle L. Parker dhe zyrtarë të tjerë të qytetit. Nëna e Smith, Caroline Bright, gjithashtu u ul pranë tij gjatë ceremonisë.
Postimi i aktorit përfshinte foto si dhe një video të tabelës me emrin Will Smith Way mbi një urë. “Hej, Philly. Unë të dua. Do të shihemi më 4 korrik”, tha Smith në një video tjetër në Instagram.
Kryebashkiakja i Philadelphia, Parker,nshkroi në postimin e saj në Instagram pas ceremonisë së emërtimit të rrugës se “udhëtimi i Smith nuk ka qenë asgjë më pak se frymëzuese”.
“Nga rrënjët e tij të lindjes dhe rritjes në West Philadelphia, deri tek ngritja e tij si një superstar global, ai na ka treguar të gjithëve se çfarë do të thotë të ëndërrosh dhe të punosh shumë”, shkroi Parker në mbishkrimin e saj.
“Ne jemi jashtëzakonisht krenarë që e quajmë @willsmith një nga tonët. Arritjet e tij janë një reflektim i forcës, elasticitetit dhe shkëlqimit të njerëzve të Philadelphia. Ndërsa e riemërojmë 2rrugën për nder të Will sot, le të festojmë gjithçka që ai përfaqëson – kreativitetin, mirësinë dhe fuqinë e komunitetit.”
