Tenori Armaldo Kllogjeri, ose siç e njohin ndryshe, Maestro i Big Brother, ka vendosur të ngjitet në skenën politike, pasi e zbritën nga skena e operës. Pas një aventure televizive në Big Brother, ku ra në sy jo vetëm për zërin e këndshëm, por edhe për karakterin e tij të qetë dhe tolerant në debatet me Luis Ejllin, Maestro tani ka vendosur të provojë veten në një tjetër reality show – politikën shqiptare.
Duket se largimi nga Teatri i Operas dhe Baletit e ka bërë të reflektojë: në Shqipëri të leverdis më shumë një vend në listat e deputetëve sesa të mbështetesh te talenti. Dhe kështu, i zhgënjyer nga arti, por i frymëzuar nga politika, Maestro po përpiqet të gjejë vendin e tij mes akordave të PD-së në Elbasan. Me gjasë do të përqëndrohet në zonën e Gramshit, atje ku ka kaluar fëmijërinë e tij dhe ku ruante ende miqësitë e vjetra.
Nëse suksesi i tij politik do të jetë më i madh se ai në Big Brother, mbetet për t’u parë. Por një gjë është e sigurt: nga një reality show, maestro po futet në një tjetër – atë të politikës, ku skenari është po aq absurd, por buxheti është më i madh.
Lista e mbyllur e PD në Elbasan
Tomor Alizoti
Edmond Haxhinasto
Klodjana Çapja
Blendi Himçi
Aurel Bylykbashi
Lista e hapur
Ilirjan Alliu
Qamil Boja
Dritan Cani
Gani Cani
Elsa Gega
Lumturi Hasa
Armaldo Kllogjeri
Renato Kumria
Armonela Marku
Dritan Mitarja
Alis Narazani
Mustafa Pashja
Qani Xhafa
Dashamir Xhika.
