Komisioni Europian i ka dërguar Greqisë një paralajmërim zyrtar dhe të detajuar, ku shpjegon arsyet pse ajo po shkel rregullat e BE-së për mosrespektimin e Direktivës së Këshillit (BE) 2020/262 mbi rregullat e akcizës. Lajmi u dha nga gazeta greke Ekathimerini.
Greqia përjashton nga akciza mallrat që shiten për udhëtarët në dyqanet pa taksa të vendosura në kufijtë tokësorë me Shqipërinë, Maqedoninë e Veriut dhe Turqinë.
Deri në janar 2017, legjislacioni i BE-së u lejonte shteteve anëtare që kishin dyqane pa taksa jashtë aeroporteve ose porteve para 1 korrikut 2008 të vazhdonin me këto përjashtime.
“Megjithëse kjo nuk lejohet më sipas legjislacionit të BE-së, Greqia vazhdon të mbajë dyqane pa taksa në kufijtë e saj tokësorë me vendet joanëtare të BE-së,” deklaroi Komisioni.
Greqia zgjedh Presidentin! Konstantinos Tasoulas votohet në krye të shtetit
Ky është një hap i fundit përpara se çështja të dërgohet në Gjykatën e Drejtësisë të BE-së, nëse Greqia nuk merr masa për të ndrequr situatën.
Pas vlerësimit të përgjigjes së Greqisë ndaj një njoftimi formal të mëparshëm si të pakënaqshme, Komisioni e përshkallëzoi çështjen duke lëshuar një opinion të arsyetuar të mërkurën.
Greqia tani ka dy muaj kohë për t’u përshtatur me rregullat, përndryshe rrezikon t’i referohet Gjykatës së Drejtësisë të Bashkimit Europian.
