Presidenti amerikan Donald Trump ka shprehur vazhdimisht pakënaqësinë me NATO-n gjatë fushatës zgjedhore, duke kërcënuar se do të tërhiqte Shtetet e Bashkuara nëse aleatët e saj europianë nuk do të merrnin përgjegjësi më të mëdha financiare për sigurinë e tyre.
Një reagim i papritur ka ardhur edhe nga Elon Musk ,njëherësh kreu i Departamentit Amerikan të Efikasitetit të Qeverisë së krijuar së fundmi (DOGE) i cili ka kritikuar NATOn duke thënë se ka nevojë për rishikim. Më herët Elon Musk ka bërë thirrje që të mbyllet edhe Zëri i Amerikës dhe Radio Europa e Lirë.
Ai shprehet se pas dy mediave janë persona të çmendur të së majtës radikale “që flasin me veten e tyre ndërsa shpenzojnë 1 miliard dollarë në vit nga paratë e taksapaguesve amerikanë”.
