Ky është një lajm i bujshëm: Donald Trump do të jetë presidenti i parë i Shteteve të Bashkuara në detyrë që merr pjesë në Super Bowl. Ai do të ndodhet në New Orleans (ku eventi rikthehet pas 12 vitesh) mes spektatorëve të finales mes Kansas City Chiefs dhe Philadelphia Eagles, e cila do të transmetohet të dielën, më 9 shkurt, drejtpërdrejt në Italia 1 duke filluar nga ora 00:15.
Nuk dihet për cilën skuadër do të bëjë tifo, por sipas “The Guardian”, te Chiefs ka disa mbështetës të lëvizjes MAGA, mes tyre edhe bashkëshortja e Patrick Mahomes, quarterback-ut të Kansas City. Trump do të japë gjithashtu një intervistë që do të transmetohet gjatë programit para ndeshjes në Fox, rrjeti televiziv amerikan që do të transmetojë Super Bowl në SHBA.
Prania e Trump në Ceasars Superdome do të rrisë masat e sigurisë, veçanërisht pas sulmit të një muaj më parë, kur një atentator u përplas me turmën që festonte Vitin e Ri në Bourbon Street, duke vrarë 14 persona. Super Bowl është klasifikuar si një “NSSE” (Event i Sigurisë Kombëtare Speciale), çka kërkon një strategji të veçantë mbrojtjeje nga autoritetet.
Trump will attend the Super Bowl in New Orleans | Click on the image to read the full story https://t.co/TbA3VxvRMh
— WLKY (@WLKY) February 4, 2025
