Trekëndëshi i dashurisë mes Mauro Icardi, Wanda Nara dhe Keita Baldé mund t’i kushtojë shumë çiftit argjentinas. Martesa e tyre tashmë ka marrë fund, veçanërisht pasi sulmuesi ka bërë publike lidhjen e tij me Maria Eugenia Suarez. Megjithatë, së fundmi janë bërë virale pamjet ku showgirl-i argjentinas kërcente në dhomën e gjumit të ish-shokut të skuadrës së bashkëshortit të saj. Futbollisti senegalez ka vendosur të hakmerret për dëmin e madh që kjo situatë i ka shkaktuar imazhit të tij, por edhe për dhimbjen që kjo histori i ka sjellë atij dhe familjes së tij.
Për këtë arsye, ai ka ndërmarrë veprime ligjore dhe i është drejtuar gjykatës italiane për të kërkuar një dëmshpërblim të konsiderueshëm. Sipas gazetarit Juan Etchegoye, gjatë programit “Desayuno Americano”, Keita Baldé ka ngritur një padi për “dëme, humbje dhe ngacmime sistematike”, duke argumentuar se është përfshirë në këtë situatë mediatike kundër vullnetit të tij. Shuma që ai ka kërkuar nga Wanda Nara dhe Icardi është e përmasave milionëshe.
Keita Baldé padit dyshen Icardi-Wanda Nara
Ish-sulmuesi i Lazios dhe Interit e ka komentuar më herët këtë çështje, duke treguar se ka pësuar dëme të mëdha si në aspektin personal ashtu edhe familjar. Keita Baldé kishte reaguar përmes një postimi në Instagram, ku njoftonte se do të ndiqte rrugën ligjore, duke ia besuar çështjen avokatëve të tij në Itali:
“Për shkak të ngjarjeve të fundit ku jam përfshirë pa dëshirën time, jam i detyruar t’i drejtohem avokatëve të mi, Donatella Minutolo dhe Alessandro Simionato, për të mbrojtur reputacionin tim dhe për të ruajtur qetësinë jo vetëm të fëmijëve të mi të mitur, por edhe të Simonës, e cila është përfshirë pa asnjë faj dhe po rrit fëmijët tanë me dashuri dhe përkushtim.”
Pranimi i fajit…
Futbollisti kishte një lidhje me Wanda Narën në kohën kur ajo ishte ende e martuar me Icardin dhe së fundmi është publikuar një video ku ata shihen së bashku. Keita Baldé ka vendosur të mbrohet dhe sipas gazetarit nga Amerika e Jugut, ai ka kërkuar një shumë të madhe parash si kompensim për dëmin e shkaktuar.
“Nuk jam shenjtor dhe e pranoj që kam gabuar, por dua të largohem nga kjo m*ë,” – është shprehur ai. Më tej ka dhënë disa detaje mbi padinë e tij: “Bëhet fjalë për dëme, humbje dhe ngacmime sistematike. Më është thënë se tashmë është përcaktuar një shumë e caktuar mes Keitës dhe një kërkesë drejtuar drejtësisë për kompensim ekonomik për dëmet e pësuara. Ai është një futbollist serioz dhe nuk dëshiron të përfshihet në këtë skandal për një gabim që ka bërë në jetën e tij.”
Por detaji më i bujshëm lidhet pikërisht me shumën e dëmshpërblimit që ai ka kërkuar nga Wanda Nara dhe Mauro Icardi: Keita Baldé thuhet se u ka paraqitur një faturë me vlerë të paktën me gjashtë shifra, një shumë e madhe për të mbyllur këtë histori dhe për t’u larguar njëherë e mirë nga trekëndëshi i dashurisë që ka pushtuar mediat në mbarë botën.
