Ylli i Inter Miami, Lionel Messi, ka shkruar një nga kapitujt më “kuriozë” të karrierës së tij të jashtëzakonshme, këtë herë jashtë fushe. Gjeniu argjentinas u nderua me “Medaljen Presidenciale të Lirisë”, dekorata më e lartë civile në Shtetet e Bashkuara, nga presidenti në largim, Joe Biden.
Edhe Magic Johnson ishte i pranishëm
Megjithatë, numri 10 argjentinas nuk u paraqit në ceremoninë e ndarjes së çmimit, e cila u zhvillua në Shtëpinë e Bardhë. Një moment që mund të kishte simbolizuar një takim historik midis sportit dhe politikës, por që përfundoi me mungesën e “La Pulga”. I pranishëm ishte tjetër i nderuar “i veçantë”, legjenda e basketbollit Earvin “Magic” Johnson, një nga figurat më ikonike të NBA-së.
Pse nuk u paraqit?
Sipas asaj që ka raportuar vetë Messi, ai nuk mundi të merrte pjesë në ceremoni për shkak të një angazhimi të mëparshëm. Sulmuesi dërgoi gjithashtu një letër zyrtare në Shtëpinë e Bardhë për të kërkuar ndjesë për mungesën e tij, duke theksuar se ky nderim ishte një burim i madh krenarie për të:
“Është një nder i madh të marrësh këtë çmim. Fatkeqësisht, kam një angazhim të mëparshëm dhe nuk do të mund të marr pjesë në ceremoninë në Shtëpinë e Bardhë. Por dua të dini që e vlerësoj thellësisht këtë gjest”.
Messi, i njohur për natyrën e tij të rezervuar dhe larg vëmendjes mediatike jashtë fushe, la të kuptohet se mungesa e tij nuk lidhej me arsye personale apo politike, por ekskluzivisht me angazhime të paanashkalueshme.
President Biden has honored Lionel Messi with the Presidential Medal of Freedom. pic.twitter.com/aWjRUgFiwY
— Pop Base (@PopBase) January 4, 2025
