Një video e re nga festa e Vitit të Ri, e organizuar nga presidenti i zgjedhur i SHBA-ve, Donald Trump, është shpërndarë në rrjetet sociale nga djali i tij, Donald Jr.
Ai ka postuar pamje nga festa në shtëpinë e babait të tij në Mar-a-Lago. Në video, Trump shfaqet duke kërcyer me këngën “YMCA” në stilin e tij karakteristik, një moment që është bërë menjëherë viral. Pranë tij qëndron bashkëshortja e tij, Melania, e veshur me një fustan të zi, e cila duket se po ndjek ngadalë ritmin e muzikës. Trump ishte i rrethuar gjatë gjithë natës nga miqtë dhe familjarët, duke përfshirë djalin e tij Donald Jr dhe partneren e tij të re, Bettina Anderson.
Në festë nuk mund të mungonte edhe bashkëpunëtori i ngushtë i Trump, Elon Musk , i cili mbërriti në event me djalin e tij X dhe nënën e tij May. Musk e filmua duke mbajtur djalin e tij mbi supe para gazetarëve.
Nënkryetari i zgjedhur J. D. Vance me gruan e tij Usha, bashkëpunëtori për një kohë të gjatë i Trump Roger Stone dhe avokatja Alina Haba, kaluan në tapetin e kuq përpara mbërritjes së Trump.
Eric Trump dhe motra e tij Tiffany ishin gjithashtu atje me partnerët e tyre, ish-kryetarja e RNC, Lara Trump, e cila këndoi “I Won’t Back Down” të Tom Petty dhe Michael Boulos.
Elon and Trump dancing together… pic.twitter.com/YlWND92rNA
— American Citizen (@realtalkstruth) January 1, 2025
