Yjet e Hollywood-it, Angelina Jolie dhe Brad Pitt kanë arritur një marrëveshje divorci pas tetë vjetësh, ka thënë avokati i saj për mediet.
Nuk kishte asnjë koment të menjëhershëm nga avokati i Pitt kur ata u kontaktuan për koment.
Çifti u martua në vitin 2014 dhe kanë gjashtë fëmijë, shkruan BBC.
Jolie bëri kërkesë për divorc në vitin 2016, duke përmendur “dallimet e papajtueshme”.
Dyshja u përfshi në një betejë të ashpër për kujdestarinë e fëmijëve në muajt pas njoftimit.
Në vitin 2021, një gjykatës u dha kujdestarinë e përbashkët të fëmijëve të dy prindërve.
Çifti njihej si “Brangelina” nga fansat dhe u takuan në xhirimet e filmit të vitit 2005, ” Mr. & Mrs. Smith”.
Martesa ishte e dyta e Pitt – ai ishte martuar më parë me yllin e “Friends”, Jennifer Aniston – dhe e treta e Jolie pas aktorëve Billy Bob Thornton dhe Jonny Lee Miller.
Jolie ka luajtur në “Lara Croft: Tomb Raider”, “Changeling” dhe “Girl, Interrupted” ndërsa filmografia e Z. Pitt përfshin “Fight Club”, “Once Upon a Time in Hollywood” dhe “Twelve Monkeys”.
