Numri i viktimave nga shpërthimi në Firence, ka shkuar në 5. Ekipet e shpëtimit kanë gjetur personn e tretë dhe të fundit i zhdukur nga shpërthimi që ndodhi mëngjesin e së hënës 9 dhjetor në depon e karburantit Eni në Calenzano të Firences.
Ekipet e kërkim shpëtimi kanë gjetur në orët e para të mëngjesit dhe trupat e pajetë të dy punëtorëve.
Nga 26 të plagosurit nga shpërthimi, katërmbëdhjetë prej tyre janë ende të shtruar në spital. Dy prej tyre janë në gjendje të rëndë shëndetësore.
Shpërthimi ishte aq i madh saqë dëmtoi edhe banesat dhe ndërtesat në zonë. Prokuroria ka nisur një hetim për këtë çështje për të vënë para përgjegjësisë autorët e ngjarjes.
