Situata e dëmtimeve në Real Madrid vazhdon të përkeqësohet. Lojtari i fundit që i bashkohet listës së gjatë të mungesave është Vinicius Junior, i cili ka pësuar një dëmtim të bicepsit femoral të këmbës së majtë dhe do të jetë jashtë fushave për një kohë të gjatë. Ky dëmtim i brazilianit shtohet te lista që tashmë përfshin Militao, Alaba, Carvajal, Vazquez, Tchouameni dhe Rodrygo. Talenti nga Brazili nuk e ka fshehur zhgënjimin, duke shpërthyer në rrjetet sociale: “Një kalendar i çmendur.”
Problemet dhe zgjidhjet e Real Madrid
Pavarësisht mungesës së Vinicius, trajneri Carlo Ancelotti nuk i ka tërësisht të kufizuara opsionet sulmuese. Ai mund të mbështetet te Mbappé, si dhe te Bellingham dhe Brahim Diaz, pa harruar talentet e rinj si Endrick dhe Güler. Megjithatë, përveç Mbappé (i cili ka shënuar 9 gola në 17 ndeshje këtë sezon), askush nga këta lojtarë nuk arrin të zëvendësojë ndikimin që ka Vinicius në fushë, duke realizuar tashmë 12 gola në të gjitha garat.
Sfidat e ardhshme të Blancos
Të mërkurën, Real Madrid do të udhëtojë drejt Liverpool për një ndeshje tepër të rëndësishme dhe të vështirë në Champions League. Ata përballen me një ekip që udhëheq grupin, ndërsa madrilenët ndodhen në prag të zonës së playoff-it. Më pas, më 10 dhjetor, Real Madrid do të sfidojë Atalantën në Bergamo, por ka shumë pak gjasa që ylli i ekipit të jetë gati deri atëherë.
Lexo më tej: Vinicius nuk përmbahet, shpërthen në lot: tronditet nga dëmtimi i rëndë i Militao
Reagimi i Vinicius
Vinicius nuk e ka fshehur irritimin për dëmtimin, duke sugjeruar se ai mund të jetë shkaktuar nga mbingarkesa fizike dhe kalendari intensiv i ndeshjeve. Në një koment në X (ish-Twitter) nën postimin e Real Madrid-it me raportin mjekësor të tij, ai shkroi: “Një kalendar i çmendur… TANI PËR RIKUPERIM!”
El loco calendario……… A RECUPERAR! https://t.co/oqSnKkP5MT
— Vini Jr. (@vinijr) November 25, 2024
