Burime të qeverisë izraelite i thanë televizionit publik izraelit “Kan” se “është mbyllur” një marrëveshje për armëpushim në Liban. Sipas transmetuesit izraelit, kryeministri Benjamin Netanyahu tashmë po studion se si t’ia shpjegojë këtë publikut. Megjithatë, media libaneze “Lbci” citon një koment të ndërmjetësit amerikan Amos Hochstein sipas të cilit raportimet se Izraeli ka dhënë dritën jeshile “nuk janë të sakta”.
Në mbrëmje, Netanyahu zhvilloi një konsultim sigurie me ministrat. Në qendër të diskutimit ishte liria e veprimit të IDF në zonën kufitare midis Sirisë dhe Libanit. Sipas burimeve pranë delegacionit amerikan, Izraeli ka marrë garanci nga Uashingtoni për lirinë e veprimit në rast të shkeljes së marrëveshjes.
Sipas Channel 14, një transmetues i konsideruar i afërt me kryeministrin, Netanyahu bëhet e qartë se në diskutimet me ministrat “kushti themelor në këtë çështje është që Izraeli të vendosë se çfarë konsiderohet “shkelje’”. Çështja tjetër, që kanë raportuar prej ditësh burime izraelite, është përbërja e komitetit ndërkombëtar mbikëqyrës në Liban.
