Probleme të tjera dhe karriera në rrezik për David Coote. Arbitri anglez, i pezulluar disa ditë më parë pas një videoje nga e kaluara në të cilën ofendonte trajnerin e atëhershëm të Liverpool, Jurgen Klopp, është përfshirë sërish në qendër të polemikave. The Sun ka publikuar një video, ku duket të jetë Coote duke thithur një pluhur të bardhë gjatë Euro 2024.
Në pamje, Coote shihet teksa rrotullon një kartëmonedhë për të thithur një substancë që duket si kokainë, në një dhomë hoteli të rezervuar nga UEFA. Sipas mediave britanike, videoja është filmuar ditën pas çerekfinales mes Francës dhe Portugalisë, ndeshje në të cilën arbitri 42-vjeçar ishte pjesë e VAR-it.
Under fire Premier League Referee David Coote filmed snorting what appears to be cocaine.
The video was taken during Euro 2024 where he was officiating. pic.twitter.com/GDcWdVzsyp
— J Stewart (@triffic_stuff_) November 13, 2024
PGMOL, organi përgjegjës për arbitrimin në futbollin profesionist anglez, ka hapur tashmë një hetim mbi disa video që kanë qarkulluar ditët e fundit, në të cilat Coote ofendon rëndë ish-teknikun e Reds Klopp. Në ato video, Coote e quajti atë një “gjerman të poshtër dhe një arrogant të fëlliqur”. Videoja problematike mund të jetë filmuar pas një barazimi të diskutueshëm 1-1 mes Liverpool dhe Burnley në vitin 2020, kur në fund të ndeshjes Andy Robertson u ankua shumë për drejtimin e lojës nga Coote, i cili përmend disa episode: “I dhashë atyre një mësim të mirë kur i arbitrova kundër Burnley gjatë karantinës. Klopp më akuzoi për gënjeshtra, është një k*qe”.
Suspended Premier League referee David Coote 'filmed snorting white powder during Euro 2024' https://t.co/XVGmXpMpdg
— Mail Sport (@MailSport) November 13, 2024
