Kryeministri Edi Rama është pritur me protestë ditën e sotme në SHBA. Qindra qytetarë janë mbledhur në vendin ku Rama pritet të zhvilloj takimin me diasporën shqiptare në New York. Qytetarët janë parë me pankarta që përmbajnë mesazhe kundër qeverisë së Ramës.
Ndërkohë është paralajmëruar se në këtë takim do të marrin pjesë administrata dhe krerët e bashkive të të gjithë vendit.
Vizita në SHBA vjen 2 muaj përpara nisjes së procesit të regjistrimit të diasporës për zgjedhjet parlamentare të 2025-ës. Gjithashtu, në kuadër të këtij turi, do të ketë dhe një rikthim i Ramës në Greqi më datën 3 nëntor në Selanik. Ndryshe nga takimet e majit në Athinë dhe Milano formati do të jetë më i ngushtë, teksa mësohet se takimet do të zhvillohen në holle hotelesh dhe jo në stadium.
