Manchester City po përgatitet për një ndarje të mundshme nga Pep Guardiola. Trajneri katalanas, kontrata e të cilit skadon në fund të sezonit, nuk ka gjasa të rinovojë pas largimit të Txiki Begiristain. Prandaj, klubi duhet të mendojë për një zëvendësim.
RUBEN AMORIM ZËVENDËSUESI I SPANJOLLIT?
Emri më i nxehtë, siç raporton Guardian, për të zëvendësuar Pep Guardiolën në pankinën e Manchester City është Ruben Amorim. Portugezi aktualisht është menaxher i Sporting Lisbona, një vend që e mbajti pavarësisht se u kontaktua nga shumë emra të mëdhenj gjatë verës, mbi të gjitha Liverpool që kërkonte një zëvendësues për Klopp.
Megjithatë, Amorim i refuzoi Reds, ashtu siç kishte refuzuar Chelsea dhe Ëest Ham në të kaluarën, për të vazhduar rrugën e tij me Sportingun së bashku me Hugo Viana, drejtor sportiv i portugezëve.
VIANA SJELL AMORIM TE CITY
Megjithatë, Hugo Viana tashmë ka ndryshuar ambjent, ose të paktën do ta bëjë këtë zyrtarisht në fund të sezonit, duke u bërë drejtori i ri sportiv i Manchester City. Për portugezin është planifikuar një periudhë praktike në krah të Begiristain, i cili do të tërhiqet në fund të sezonit, për të lënë gjithçka në duart e Hugo Viana.
Pikërisht marrëdhënia mes drejtorit sportiv – i cili ka qenë te Sporting që nga viti 2018 – dhe Amorim mund të jetë çelësi për sjelljen e portugezit në Mançester në rast se Guardiola thotë lamtumirë. Një raport që mund të ndihmojë edhe në përpjekjen për të bërë lëvizjen e madhe për Gyokeres, sulmues i Sporting dhe makinë e vërtetë golash. Ashtu si Haaland në fund të fundit, por mbetet të shihet se çfarë do të vendosë norvegjezi nëse Guardiola largohet nga City. Për të ka interes nga Barcelona dhe PSG, dhe ndoshta është koha për të ndryshuar ambjent.
