UEFA vazhdon me dorë të hekurt ndaj sjelljes së tifozëve në stadiumet e ndryshme të Europës. Kështu, sjellja e pahijshme e tifozerisë kuqezi në ndeshjen në Pragë kundër Ukrainës dhe në Tiranë ndaj Gjeorgjisë i kanë kushtuar një gjobë të rëndë Federatës Shqiptare të Futbollit (FSHF).
Federata e Futbollit është gjobitur me 41 250€ nga Komisioni i Etikës dhe Disiplinës në UEFA për shkak të incidenteve të shkaktuara nga tifozët shqiptarë në ndeshjet Ukrainë – Shqipëri (7 shtator 2024) dhe Shqipëri – Gjeorgji (10 shtator 2024).
VENDIMET PËR NDESHJEN SHQIPËRI–GJEORGJI:
*Të gjobisë Federatën Shqiptare të Futbollit me 18.000 euro për bllokimin e shkallëve të stadiumit ‘Air Albania’.
*Të gjobisë Federatën Shqiptare të Futbollit me 4.750 euro për hedhjen e sendeve në fushë
*Të gjobisë Federatën Shqiptare të Futbollit me 12.500 euro për fishkëllimin e himnit gjeorgjian.
Lexo më tej: FSHF reagon me forcë: U përdhosën simbolet kombëtare, çështja shkon në UEFA!
VENDIMET PËR NDESHJEN UKRAINË-SHQIPËRI:
*Të gjobisë Federatën Shqiptare të Futbollit me 6000 euro për pushtimin e fushës.
*Të mbyllë procedurat disiplinore karshi Federatës, lidhur me dyshimet se ndeshja nisi me vonesë për shkak të FSHF-së.
FSHF është gjobitur me 41 250 € nga Komisioni i Etikës dhe Disiplinës në UEFA për shkak të incidenteve të shkaktuara nga tifozët shqiptarë në ndeshjet Ukrainë – Shqipëri dhe Shqipëri – Gjeorgji.
Më tepër, në .https://t.co/MYf0fnKM6e
— FSHF (@FSHForg) October 15, 2024
