Me sulmin plot probleme nuk ishte rasti për t’i shtuar dozat e dramacitetit vigjiljes së teknikut Sylvinho të transfertave të Çekisë dhe Gjeorgjisë. Kristjan Asllani rikuperon dëmtimin muskulor dhe është stërvitur me intensitet të plotë me grupin. Në seancën e së mërkurës është prezantuar edhe sulmuesi Indrit Tuci, i thirrur në çështje për të zëvendësuar Myrto Uzunin, të dmëtuar.
Kombëtarja shqiptare ka vijuar me përgatitjet për dy ndeshjet e tetorit ndaj Çekisë dhe Gjeorgjisë, të vlefshme për UEFA Nations League. Skuadra zbriti sot në fushë në orën 11:00 dhe grupi u stërvit i plotë. Departamenti i Komunikimit në FSHF bën me dije se Kristjan Asllani ka lënë pas problemet muskulore dhe është stërvitur normalisht me pjesën tjetër të skuadrës. Ndërsa gjatë stërvitjes ekipit iu bashkua edhe sulmuesi Indrit Tuci. Sulmuesi i Sparta Pragë do ta ketë një ndeshje domethënëse atë kundër Çekisë në Epet Arena dhe mezi pret t’i jepet mundësia.
Si zakonisht, seanca stërvitore nisi me punën në palestër dhe më pas kuqezinjtë zbritën në fushë për të bërë fillimisht përgatitje atletike. Më pas, trajneri Silvinjo dhe stafi teknik punuan edhe taktikisht me skuadrën. Seanca stërvitore zgjati reth 1 orë e 30 minuta. Kombëtarja do të mbyllë nesër në “Shtëpinë e Futbollit” përgatitjet për ndeshjen ndaj Çekisë. Seanca stërvitore është programuar të nisë në orën 10:00 dhe më pas kuqezinjtë do të udhëtojnë drejt Pragës.
Kombëtarja ⚫ kreu seancën e radhës stërvitore në "Shtëpinë e Futbollit". Kristjan Asllani u stërvit normalisht, ndërkohë që me ekipin është bashkuar edhe sulmuesi Indrit Tuci.
Më tepër, në .https://t.co/qosFxs2GQq
— FSHF (@FSHForg) October 9, 2024
