Donald Trump ka dhënë intervistën e parë pas tentativës për vrasje në mitingun në Pensilvani. Ish-presidenti amerikan ndau “përvojën surreale” që për pak i mori jetën gjatë një interviste në bordin e avionit të tij privat rrugës për në Milwaukee ku do të mbahet konventa e republikanëve.
“Doktori në spital tha se ai kurrë nuk kishte parë diçka të tillë, ai e quajti një mrekulli. Unë nuk supozohet të jem këtu, supozohet të kem vdekur”, tha Trump.
“Gjëja më e pabesueshme ishte se më ndodhi jo vetëm të rrotullohesha, por të rrotullohesha saktësisht në kohën e duhur dhe në momentin e duhur. Nëse do të isha kthyer vetëm gjysmë, do të goditesha në pjesën e pasme të trurit. Nëse do të isha kthyer nga ana tjetër, do të kishte kaluar drejt e në kafkë. Shanset që unë të bëja një kthesë perfekte ishin ndoshta një e dhjeta e 1%”, tha ish-presidenti amerikan.
Trump gjithashtu pranoi se ajo që ndodhi në Pensilvani po ndryshon fushatën e tij zgjedhore. Siç shpjegoi ai, para këtyre ngjarjeve kishte planifikuar një fjalim shumë agresiv.
“Mendoj se do të ishte shumë keq nëse do të filloja të them se sa të këqij dhe të korruptuar janë të gjithë, edhe nëse është e vërtetë. Nëse kjo nuk do të kishte ndodhur (përfshirë atentatin) do të kisha pasur një fjalim që do të ishte shumë i ashpër. Tani do të kem një fjalim që do të jetë më unifikues”, shtoi Trump.
