Në fazën e 16 më të mirave në Euro 2024, Franca mposhti Belgjikën 1-0 dhe pret fituesin mes Portugalisë dhe Sllovenisë në çerekfinale. Ndeshja u vendos në minutën e 85’ nga një goditje e Kolo Muani (i cili zëvendësoi Thuram) e devijuar nga Vertonghen. Një lojë shumë taktike që u bllokua për një kohë të gjatë por u luajt më mirë në përgjithësi nga skuadra e Deschamps, që kishte më shumë mundësi shënimi.
Mbappé nuk shkëlqen ashtu si duhet, sulmuesit e Francës nuk zhbllokohen (dhe nuk e gjejnë fare portën) dhe kështu, në mënyrë mizore 5 minuta nga fundi ndeshja u vendos me një autogol, i cili dërgon Deschamps në çerekfinale dhe teknikun Tedesco në shtëpi. Franca e luajti ndeshjen më shumë, duke u përballur me një Belgjikë më të ngadaltë dhe më në pritje, por të aftë për të qëndruar në garë e bashkuar dhe për të mbrojtur mirë për një kohë të gjatë. Detajet, çështje detajesh. Dhe fati, bënë diferencën.
Franca vazhdon përpara pa shkëlqim, por e sigurtë dhe mbi të gjitha me një mbrojtje të hekurt. 1-0 imponohet skuadra e Deschamps ndaj Belgjikës, duke u kualifikuar në çerekfinalen e Gjermanisë 2024. Verdikt i drejtë, edhe pse kombëtarja e drejtuar nga tekniku Tedesco ka mbajtur mirë fushën. Francezët bënë lojën, por duke paguar koston e mungesës së konkretizimit. Kështu për të shënuar u kujdes mbrojtësi belg Ian Vertonghen, i cili e ktheu goditjen e Kolo Muani në rrjetën e tij, me 5 minuta të mbetura nga koha e rregullt.
