Pas historisë, ndoshta të diskutueshme, të publikuar në Instagram pak kohë pas humbjes së Italisë ndaj Zvicrës në Euro 2024, Mario Balotelli u bë protagonist i një episodi të përjetësuar nga disa kalimtarë. Edhe këtë herë ish-super Mario u bë menjëherë viral në rrjetet sociale.
BALOTELLI RRËZOHET, VIDEO BËHET VIRALE
Teksa po ecte nëpër rrugët e Lignano Pineta, ku ndodhet me pushime, Balotelli u përjetësua në momentin në të cilin, dukshëm i dehur, humbi ekuilibrin dhe përfundoi duke rënë në rrugë pa mundur të ngrihej dot.
Video e publikuar nga një kalimtar u pasua nga reagimi ironik i përdoruesve në rrjetet sociale: “Ka kaluar një mbrëmje të mrekullueshme”, “Dukshëm i dehur” e sërish “Edhe kështu është në formë më të mirë se sulmuesit e Kombëtares”. Me pak fjalë, si brenda dhe jashtë fushës, Mario arrin gjithmonë t’i bëjë njerëzit të flasin për të.
E questo qui vorrebbe giocare nella nazionale? pic.twitter.com/sz7g8o8pOr
— Inzaghi Campione D’Italia (@inzaghigoat) June 30, 2024
