Samiti i NATO-s që do të mbahet në Washington do të fokusohet në mbështetjën ushtarake të Ukrainës ka thënë Sekretari amerikan i Shtetit Antony Blinken.
Në këtë samit pritet që më shumë se 20 shtete të nënshkruajnë marrëveshje bilaterale të sigurisë me Ukrainën.
Blinken tha ” Unë kam përmendur tashmë që samiti do të fokusohet në përkrahjen e suksesit afatgjatë të Ukrainës. SHBA dhe partnerët e Aleancës kanë adaptuar dhe kanë ndihmuar Ukrainën në zbrapsjen e agresionit rus”.
Diplomati amerikan shtoi ” Teksa shkojmë përpara, ne duam të sigurohemi që Ukraina të jetë e suksesshme dhe të qëndroj në këmbë : ushtarakisht, ekonomikisht dhe në demokraci dhe pikërisht këtë po e bëjmë”.
Blinken përfundoi duke thënë se nëse Putini mendon se ai mund të jetojë më gjatë se Ukraina ai e ka gabim.
