Kryeministri Edi Rama ka reaguar për atentatin ndaj homologut sllovak, Robert Fico mesditën e së mërkurës në qytetin Handlova. Kreu i qeverisë shqiptare, përmes një postimi në rrjetin social X, shprehet se është i tronditur nga lajmi i tmerrshëm ndërsa i uron atin shërim sa më të shpejtë.
“Jam thellësisht i tronditur dhe i pikëlluar nga lajmi i makthshëm i sulmit ndaj kryeministrit të zgjedhur në mënyrë demokratike të Sllovakisë. Roberti është një i mbijetuar i fortë dhe një mik i dashur, dhe unë shpreh urimet e mia të përzemërta për një shërim të shpejtë dhe një rikthim të jashtëzakonshëm.”, shkruan Rama.
Ngjarja e rëndë ndodhi përpara një qendre të komunitetit kulturor në qytetin Handlova, ku kryeministri sllovak ishte në një mbledhje me kabinetin. Autori është vënë menjëherë në pranga nga autoritetet.
