Në javën e 33 të Ligue 1, PSG u rrëzua duke u mundur 3-1 nga Toulouse. Mbappé (në ndeshjen e fundit në stadiumin e tij) zhbllokoi ndeshjen, përpara se Dallinga, Gboho dhe Magri të përmbysnin rezultatin. Monaco (2-0 ndaj Montpellier) dhe Lille (2-1 ndaj Nantes) fituan jashtë fushe. Luftën për Evropën e ndezi Marseille (që mundi Lorient 3-1) dhe Lyon (1-0 kundër Clermont), si dhe barazimi 1-1 mes Rennes dhe Lens. Ndërkohë, Strasburg-Metz përfundoi 2-1.
https://twitter.com/footballontnt/status/1789762593948660137?ref_src=twsrc%5Etfw%7Ctwcamp%5Etweetembed%7Ctwterm%5E1789762593948660137%7Ctwgr%5Ec9815b24ef7cad5513a766e4aa87ee2e048a2ea3%7Ctwcon%5Es1_&ref_url=https%3A%2F%2Flapsi.al%2F2024%2F05%2F13%2Fvideo-mbappe-i-jep-lamtumiren-psg-me-nje-gol-e-me-nje-humbje-tifozet-i-dedikojne-skenografine%2F
PSG-TOULOUSE 1-3
Mbappé i dha lamtumirën Parc des Princes me një humbje. Toulouse pushtoi Parisin, duke triumfuar me përmbysje 3-1. Kampionët e rinj të Francës goditën menjëherë, në minutën e 8′ të ndeshjes Mbappé shënoi nga një kënd i ngushtë (i vleftësuar pas një kontrolli në VAR). I menjëhershëm reagimi i miqve: kaluan vetëm pesë minuta dhe Dallinga arriti të rikthejë në ekuilibër ndeshjen, me një asistim të Diarra. Pas golit të barazimit, Toulouse thuajse e kishte kontrollin në Parc des Princes (pavarësisht nga një shtyllë e goditur nga Asensio).
Në pjesën e dytë parisienët e zhvendosën lojën në anën e tyre, por në minutën e 68′ skuadra e Carles Martinez përmbysi plotësisht rezultatin me Gboho. Të besuarit e Luis Enrique u përpoqën në të gjitha mënyrat për të barazuar, por pësuan të tretin në minutën e 95′ nga Magri. PSG (tashmë kampione e Francës) bie 3-1 dhe mbetet e mbërthyer në 70 pikë, ndërsa Toulouse ngjitet në 43, në vendin e dhjetë.
FALENDERIMI I TIFOZËVE
Mbappé largohet kështu me një gol e një humbje nga Parisi, por tifozët nuk e harruan gjithcka ai ka dhënë për PSG. Skenografia në fillim të ndeshjes ishte e gjitha për sulmuesin, lojtarin e ri të Real Madrid.
Farewell to Mbappe from PSG fanspic.twitter.com/72ZGgJPQ9r
— FootColic ⚽️ (@FootColic) May 12, 2024
