Gjykata e Lartë do të shqyrtoje ditën e sotme rekursin e ish-kryeministrit Sali Berisha përmes të cilit kërkon heqjen e masës së sigurisë ‘arrest shtëpie’, ku mbahet prej 30 dhjetorit 2023.
Avokati i tij Genci Gjokutaj argumenton se drejtësia po vepron nën urdhrat e kryeministrit dhe qëllimi është që Berishës t’i digjet mandati i deputetit. Berisha është nën hetim bashkë me dhëndrin e tij Jamarbër Malltezi në lidhje me procedurat e privatizimit të ish klubit sportiv Partizani. SPAK shtyu së fundmi afatet e hetimit edhe për 3 muaj të tjerë. Zgjatja e afateve të hetimit pritet të miratohet nga Gjykata e Posaçme.
